ՄԱԿ-ում քննարկվել է Սիրիայի հումանիտար իրադրությունը

Սիրիայի՝ պաշարված Մադայա քաղաքում, որը գտնվում Է Լիբանանի սահմանի մոտ, շուրջ 400 մարդ օրհասական վիճակում Է եւ շտապ տարահանման կարիք ունի:

 Այդ մասին, հայտարարել Է ՄԱԿ-ին առընթեր Իսպանիայի մշտական ներկայացուցիչ Ռոման Մարչեսին, որն Անվտանգության խորհրդի կոնսուլտացիաներ Էր նախաձեռնել Սիրիայի հումանիտար իրադրության շուրջ: Մինչդեռ Սիրիայի ներկայացուցիչ Բաշար Ջաաֆարին հայտարարել Է, որ դա ապատեղեկատվություն Է եւ Մադայայում մարդասիրական օգնության պակասություն չկա:

Սիրիայի իրադրության, մասնավորապես, երկրի պաշարված շրջանների դրության շուրջ փակ կոնսուլտացիաները Անվտանգության խորհուրդն անցկացրել Է հունվարի 11-ի երեկոյան: Ինչպես հայտնել Է Նոր Զելանդիայի մշտական ներկայացուցիչ Ջերարդ վան Բոհեմենը, կոնսուլտացիաները գումարվել են «Սիրիայի Մադայա քաղաքի իրադրության եւ սովից մարդկանց մահվան վերաբերյալ հաղորդումների» պատճառով: Խորհրդում ճեպազրույցով հանդես Է եկել ՄԱԿ-ի գլխավոր քարտուղարի՝ հումանիտար հարցերով տեղակալ Սթիվեն Օ’Բրայենը: Նա հայտնել Է Մադայա եւ Թուրքիայի հետ սահմանի մերձակայքում գտնվող Քեֆրայա եւ Ֆուա քաղաքներ ՄԱԿ-ի մարդասիրական օգնություն հասցնելու մասին, որտեղ մուտքն ամիսներ շարունակ արգելափակված Է եղել հակամարտության մասնակիցների եւ ահաբեկչական խմբավորումների կողմից, հաղորդել Է ՌԻԱ Նովոստին:  

Просмотрено 1 раза
Լրահոս
Ամենաընթերցվածները
Շուտով
Հետևեք մեզ Facebook-ում https://www.facebook.com/hayeliclub