Նավթի գինը կաճի. նախարար

Նավթի համաշխարհային շուկայում իրադրությունը կայունանում է նավթ արդյունահանող երկրների համագործակցության շնորհիվ, իսկ էներգակիրների արժեքն աճում է: Այդպիսի կարծիք է հայտնել է Սաուդյան Արաբիայի Նավթի և հանքային պաշարների նախարար Ալի բեն Իբրահիմ ան Նուայմին, հայտնում է Bloomberg-ը: «Ես լավատեսորեն եմ նայում ապագային այն հարցում, ինչ վերաբերում է նավթի համաշխարհային շուկայի կայունացմանը, գնաճին և խոշորագույն արտադրողների համագործակցությանը»,- ասել է նախարարը: Ան Նուայմին հրաժարվել է ճշտել, թե, իր կարծիքով, Իրանի նկատմամբ պատժամիջոցների հանումը ինչպես կանդրադառնա նավթի գնի վրա: Ընդ որում՝ նա նշել է, որ այդ հարցում կարևոր դեր կխաղան Սաուդյան Արաբիան և Մեքսիկան: Սաուդյան Արաբիայի տնտեսությունը 90%-ով հենվում է նավթային սեկտորի վրա, և նավթի գների անկումն ազդում է նրա վիճակի վրա: Չնայած դրան՝ թագավորության ղեկավարությունը ամուր դիրք է գրավել` պահպանելով արդյունահանման բարձր մակարդակը, ինչը գերազանցում է օրական 10 միլիոն բարելը:

Просмотрено 16 раза
Լրահոս
Ամենաընթերցվածները
Շուտով
Հետևեք մեզ Facebook-ում https://www.facebook.com/hayeliclub