Հանրապետությունում գրիպի եւ սուր շնչառական վարակների համաճարակ չկա. նախարար

Հանրապետությունում գրիպի եւ սուր շնչառական վարակների համաճարակ չկա, արձանագրվում է սեզոնային բնականոն աճ, որը պայմանավորված է եղանակային ջերմաստիճանի կտրուկ իջեցմամբ, ինչպես նաեւ տոնական օրերին մեծ շփումներով: Այս մասին այսօր՝ հունվարի 5-ին, նշվել է ՀՀ առողջապահության նախարար Արմեն Մուրադյանի հրավիրած խորհրդակցության ժամանակ։ Առողջապահության նախարարությունից հայտնում են, որ աշխատանքային խմբի անդամների փոխանցմամբ, սակայն այս ֆոնի վրա դիտվում է թոքաբորբերով դեպքերի ավելացում, ինչն ուշ դիմելիության եւ ինքնաբուժման հետեւանք է։ Այս պահի դրությամբ սուր շնչառական վարակներով եւ թոքաբորբով հոսպիտալացված 355 հիվանդ բուժում է ստանում հանրապետության բժշկական կենտրոններում, նրանցից 321-ը` 0-18 տարեկան: Այսօր հանրապետությունում շրջանառում է սեզոնային գրիպի Ա տեսակի N1H1 ենթատեսակը (խոզի գրիպ): «Կարեւորելով վերը նշվածը եւս մեկ անգամ կոչ ենք անում բժշկական օգնության դիմել ժամանակին, չզբաղվել ինքնաբուժմամբ, անհարկի չօգտագործել հակաբիոտիկներ, հագնվել եղանակին համահունչ, հնարավորության սահմաններում նվազեցնել շփումները հատկապես գրիպանման երեւույթներով հիվանդների հետ, պահպանել հազալու եւ փռշտալու վարվելակարգը: Նշենք, որ խոցելի խմբերը պատվաստվել են գրիպի նկատմամբ, հանրապետությունն ապահովված է հակավիրուսային դեղերով, որոնք հիվանդներին տրամադրվում են անվճար: Առանձին դեպքերի վերաբերյալ հանրապետության տարբեր բժշկական կազմակերպություններում հրավիրվում են կոնսիլիումներ եւ քննարկումներ, ելնելով իրավիճակից` տրվում են համապատասխան լուծումներ»,-ասված է նախարարության տարածած հաղորդագրության մեջ։

Просмотрено 0 раза
Լրահոս
Ամենաընթերցվածները
Շուտով